என்னோடு வா நீண்ட தூரம்

அன்பே..

என்னோடு வா நீண்ட தூரம் ..

போகலாம் நாம்  சாலை ஓரம் ..

மேனியை  தழுவும் காற்றின் ஈரம் ..

மெல்ல கரையுதே

மனதின் பாரம்..!

கையோடு கைசேர்த்து ..,

விரலிடையில் விரல் கோர்த்து ..,

கொஞ்சம் இறுக்கினேன் ,

சற்று முறுக்கினேன் ..,

அப்போது நீ

போட்ட  சத்தம் ..

அதை நான்

கேட்க வேண்டும் நித்தம்            .. [அன்பே.. என்னோடு வா நீண்ட தூரம் ..]

உன் கண்கள் வழியே

என்னை பார்த்தேன்

அதன் வழியே

இந்த உலகை பார்த்தேன் ..!

புவி ஈர்ப்பு சக்தியினாலே

பாதங்களை நீ பூமியில் வைத்தாய்

உன்மேல் கொண்ட ஈர்ப்பினாலே

என்னையே உன்மேல் வைத்தேன்             .. [அன்பே.. என்னோடு வா நீண்ட தூரம் ..]

தனிமையில் நீயும் நானும் சென்றால்

வேகம் கொஞ்சம் கூடும்

தன்னிலை மறந்து நாவும்

ஞானியின் பாடல் பாடும்

மேகங்கள் ஒன்று  கூடி

நீ இருக்கும் இடத்தை தேடி

தூவி செல்லும் மழை துளி

யாவும்

புல்லின் மேல்கொண்ட

பனி துளி...                                                 .. [அன்பே.. என்னோடு வா நீண்ட தூரம் ..]

காதல் எனும் சாவியை தொடுத்து

நினைத்தபடி பயணத்தை நடத்து.....

                                                - இரா.சீ .சுகுமாரன்

[குறிப்பு: பைக்கை  ரசித்து எழுதியது. இப்பொது மீண்டும் ஒரு முறை மேலிருந்து படித்து பார்க்கவும்..]