தலை கைவசம் இருந்திருக்கும்

அம்மாவின்  அன்பும் ,
மனைவியின் மனசும் ,
மகளின் முத்தமும்

மொத்தம் சேர்த்து
சட்டைப்பையில் வைத்து
சிரித்த முகத்துடன்
கிளம்பிப்போனான்
"மகராசன் "

அவசரம் என்று
ஆட்டோவை முந்தி சென்றான்
எதிரில் வந்த லாரியை
வேகம் கூட்டி முட்டிவிட்டான்

மொத்த  உசுரும்  நின்னு போச்சு ,
கொண்டுவந்த சோறு மேல
இரத்தம் வாரி விசியாச்சு ..!

மழை பார்த்த பூமி
இப்போ இரத்தம்
கேட்க பழகிக்கொண்டது ..!
பொறுமை இழந்து
பயணம் செய்தவனை
மரண ஓலை முத்தமிட்டது ..!

கதறி அழுத குடும்பத்தோட
காட்சி கண்ணுக்குள்ள குடியிருக்க..,
கனவுல வந்து செத்தவன் சொன்னான்

"தலை கவசம் போட்டு இருந்தால்
தலை கைவசம் இருந்திருக்கும்"